🔎 旺角西洋菜南街2T號添置商業中心1樓
「 旺角嘅四川風味」- 川巴面館
喺旺角行街攰攰地，就梗係搵下有乜地方可以飲杯嘢同食吓嘢架啦🤤🤤。今日就去咗旺角嘅川巴面館，依間面館同貢茶合作，除咗可以食四川辣面仲可以飲杯貢茶，真係雙重享受呀😝😝😝
面館提供4款面選擇，另外可以加配菜，鍾意正宗原汁原味嘅四川風味就可以揀「正宗四川擔擔面」，想試麻辣口味嘅就可以揀「秘制麻辣薯粉」，我地最就揀咗唔辣嘅「川巴蔥油拌稻庭烏冬」同埋少辣嘅「土雞絲擔擔面」🤤🤤。而面館嘅所有食物都可以揀辣度，分別有大辣、中辣、正常辣、少辣同不辣，所以食唔食得辣都可以滿足到你嘅需要呀🤩🤩。面館提供超過30款配菜，比較大食嘅朋友（即係小弟🙈🙈）都唔怕會食唔飽😝。
川巴蔥油拌稻庭烏冬（不辣）-配炸紮肉及韮菜餃-$50
烏冬彈牙爽口🤩加埋香噴噴嘅葱油真係食到唔想停🤤🤤🤤，配菜亦都有水準。
土雞絲擔擔面（少辣）-配炸午餐肉及墨魚丸-$60
面質嘅軟硬度適中，而湯有濃濃嘅擔擔面味🤤🤤，花生醬、芝麻、花生碎、葱等等嘅擔擔面材料都有齊，非常足料😋😋，雖然只係少辣但都有辣嘅香味；配菜方面炸午餐肉外皮卜卜脆，墨魚丸彈牙有咬口，一個字正！🤗🤗
麻醬青瓜-$18
巴蜀手撕雞-$38
除咗主食，我地仲叫多兩個小食🙈🙈，食咗咁多肉當然要食返啲蔬菜類麻醬青瓜就啱晒！青瓜爽口又涼涼地，加埋麻醬嘅配合，辣辣地又涼涼地嘅感覺好正呀🤩🤩。手撕雞份量十足，肉質嫩滑，而辣度適中，適合香港人嘅口味😋😋
今次我地就無飲到貢茶，但建議有興趣嘅朋友食辣面可以配返杯冰凍嘅茶🤤🤤應該會更爽。
🍽 8/10
Search